Teatri ODA është një teatër profesionist i pavarur, i përkushtuar në zhvillimet profesionale e bashkëkohore të artit dhe kulturës, e në veçanti të artit teatror. Duke synuar krijimin e hapësirës promovuese dhe stimuluese për gjeneratat e reja të profesionistëve teatrorë, Teatri ODA përmes kësaj thirrjeje të hapur do të ofrojë hapësirë dhe mbështetje për promovimin e punës së artistëve të rinj dhe grupeve të reja dhe atyre në fillim të karrierës në fushën e teatrit.

Ftohen artistët e rinj dhe grupet e reja në fillim të karrierës, që të aplikojnë me projektet e tyre teatrore që të përfitojnë mundësinë e shfaqjes publike në skenën e Teatrit ODA, përfshirë edhe mbështetjen teknike si dhe konsulencë e mentorim në aspektet e zhvillimit të mëtejshëm të punës së tyre, menaxhimit, zhvillimit artistik, gjetjes së fondeve dhe komunikimin efikas me publikun.

Për kriteret, përfitimet dhe dokumnetet e nevojshme kliko THIRRJE-E-HAPUR-Fuqizimi-i-Artisteve-te-Rinj-Teatrore

Linku për aplikim: https://forms.gle/HJjATF9snQvPZerJ7

Afati i fundit për aplikim:

E diel, 21 janar 2024, ora 17:00

Fuqizimi i artistëve të rinj teatrorë është një prej shtyllave të Programit Vjetor të Teatrit ODA,
përkrahur nga Ministria e Kulturës, Rinisë dhe Sporteve dhe Komuna e Prishtinës