Ju njoftojmë se Departamenti i Muzikës - Fakultetit i Arteve hap thirrje për aplikim për mobilitet të stafit akademik në Universitetin e Splitit, Kroaci, në kuadër të programit Erasmus+ (KA131), për thirrjen e vitit 2025.

Kjo thirrje është e dedikuar ekskluzivisht për staf akademik dhe nuk zbatohet për studentë apo staf joakademik.

Afati i aplikimit

Afati për dorëzimin e aplikimeve është i hapur nga data 09 mars 2026 deri më 19 mars 2026.

Llojet e mobilitetit

Në kuadër të kësaj thirrjeje ofrohen këto lloje mobiliteti:

• Mobilitet për mësimdhënie
• Mobilitet për trajnim akademik, duke përfshirë edhe aktivitete të strukturuara akademike të organizuara nga institucioni pritës

Kohëzgjatja dhe realizimi i mobilitetit

• Të gjitha mobilitetet në kuadër të kësaj thirrjeje mund të realizohen deri më 31 korrik 2027.
• Mobiliteti mund të fillojë jo më herët se katër (4) muaj pas muajit të aplikimit, dhe vetëm pas publikimit të vendimit zyrtar për përzgjedhjen e kandidatëve.
• Nga ky rregull përjashtohen aktivitetet e strukturuara akademike, të cilat mund të realizohen dy (2) muaj pas muajit të aplikimit.

Kushte të veçanta

• Stafi akademik që ka realizuar mobilitet Erasmus+ për trajnim në kuadër të thirrjeve të vitit 2021 ose më pas, në aplikimet e ardhshme duhet të aplikojë për mobilitet për mësimdhënie. Ky rregull nuk zbatohet në rastet kur mobiliteti zhvillohet si pjesë e një aktiviteti të strukturuar akademik.
• Programi i aktivitetit duhet të jetë qartë i përcaktuar dhe i përfshirë në aplikim.

Dokumentet e nevojshme për aplikim

Aplikimi bëhet vetëm në formë elektronike. Kandidatët duhet të ngarkojnë të gjitha dokumentet e mëposhtme në një dokument të vetëm, në formatin PDF, sipas rendit të përcaktuar:

1. CV (në gjuhën angleze);
2. Kopje e pasaportës (faqja që përmban emrin tuaj, foton dhe të dhënat personale);
3. Një letër motivimi (në gjuhën angleze);
4. Një dokument që jeni staf i Universitetit të Prishtinës;
5. Kërkohet të keni njohuri të gjuhës angleze (minimumi niveli B2).

Aplikimet në formë fizike nuk pranohen dhe nuk dërgohen me postë!

Mënyra e aplikimit

Për të aplikuar në këtë thirrje, luten kandidatët që dokumentet e kompletuara t’i dërgojnë të skanuara në një dokument të vetëm në PDF, në email adresën: [email protected], në subject të shkruhet emri i thirrjes.

Vetëm dokumentet e kompletuara do të merren në konsideratë.