Programi Bachelor në Arte Vizuale (BA)

Pas përfundimit të Programit Bachelor në Arte Vizuale, studenti do të jetë në gjendje të:

• Demonstrojë njohuri të konsoliduara mbi parimet themelore të artit vizual, përfshirë kompozicionin, ngjyrën, formën, hapësirën dhe perceptimin vizual;
• Zhvillojë dhe aplikojë aftësi teknike dhe praktike në një gamë të gjerë mediash artistike, në përputhje me kërkesat e specializimit përkatës;
• Analizojë dhe interpretojë vepra artistike dhe fenomene vizuale në kontekst historik, kulturor dhe bashkëkohor;
• Artikulojë në mënyrë të qartë ide artistike dhe koncepte kreative përmes formave vizuale dhe diskursit kritik;
• Zhvillojë kapacitete analitike dhe reflektuese në interpretimin dhe artikulimin e praktikës artistike;
• Konceptojë dhe realizojë projekte artistike individuale duke integruar kërkimin, eksperimentimin dhe procesin krijues;
• Përdorë mjete dhe teknologji bashkëkohore në krijimin dhe prezantimin e veprave artistike;
• Menaxhojë procesin e punës artistike në mënyrë të pavarur dhe të përgjegjshme;
• Bashkëpunojë në projekte artistike dhe ndërdisiplinore, duke respektuar etikën profesionale;
• Ndërtojë dhe prezantojë një portfolio profesionale që reflekton identitetin artistik dhe kompetencat e fituara;
• Reflektojë mbi zhvillimin personal dhe profesional në funksion të vazhdimit të studimeve ose integrimit në tregun e punës.