I/e diplomuara e Programit Bachelor në Arte Vizuale është një artist dhe profesionist i formuar me kompetenca të qëndrueshme në fushën e praktikës vizuale, i aftë të operojë në kontekste të ndryshme artistike, kulturore dhe profesionale.

 

Ai/ajo karakterizohet nga:

• Një bazë e fortë në njohuritë teorike dhe praktike të artit vizual;
• Aftësi të zhvilluara për krijim artistik, eksperimentim dhe shprehje individuale;
• Kompetencë për analizë kritike dhe reflektim mbi procesin dhe produktin artistik;
• Aftësi për të komunikuar ide dhe koncepte përmes mediave vizuale dhe gjuhës profesionale;
• Përdorim efektiv të teknikave tradicionale dhe teknologjive bashkëkohore;
• Gatishmëri për të vepruar në mënyrë të pavarur ose në bashkëpunim, në kontekste profesionale;
• Vetëdije për rolin e artit në shoqëri dhe në kontekstin kulturor bashkëkohor;

Përgatitje për vazhdimin e studimeve në nivel master ose për përfshirje në tregun e punës në fushat përkatëse.