▶ Përmbledhje e Specializimit

Specializimi Art Konceptual dhe Media të Reja fokusohet në zhvillimin e praktikave artistike bashkëkohore të orientuara drejt kërkimit konceptual dhe ndërdisiplinar. Programi përfshin forma të avancuara të shprehjes si instalacioni, video arti, praktikat digjitale dhe ndërhyrjet në hapësirë, duke inkurajuar qasje kritike dhe eksperimentale ndaj artit. Studentët zhvillojnë projekte që trajtojnë çështje bashkëkohore në kontekst lokal dhe ndërkombëtar, duke ndërtuar një praktikë të pavarur dhe reflektuese.

▶ Qëllimi i Specializimit

Të formojë studentë të aftë për të zhvilluar ide artistike dhe projekte eksperimentale në kontekst bashkëkohor.

▶ Rezultatet e të Nxënit

1. Kupton parimet e artit konceptual;
2. Përdor media të reja në projekte artistike;
3. Zhvillon ide dhe koncepte artistike;
4. Analizon marrëdhënien art-shoqëri-media;
5. Realizon projekte eksperimentale;
6. Reflekton në mënyrë kritike mbi procesin krijues;
7. Prezanton punën artistike publikisht.

▶ Metodologjia e Mësimdhënies

Studio, projekte kërkimore, mentorim dhe diskutime teorike.

▶ Metodat e Vlerësimit

Projekte eksperimentale, prezantime, reflektime dhe portfolio.

▶ Struktura e Specializimit

Specializimi në Art Konceptual dhe Media të Reja fokusohet në praktikat bashkëkohore të artit, duke integruar teknologjinë, konceptin dhe eksperimentimin ndërdisiplinor. Programi zhvillon mendimin kritik dhe qasjet inovative në art.

▶ Pikat Kryesore të Specializimit

• Art konceptual;
• Media të reja;
• Ndërdisiplinaritet.

▶ Mundësitë e Karrierës

Të diplomuarit mund të ndjekin karrierë si artistë konceptualë, të angazhohen në projekte digjitale, të punojnë në institucione kulturore ose të vazhdojnë studimet në nivel master.

▶ Provimi Pranues

Struktura e Provimit Pranues

Dita I – Detyrë vizuale

• Vizatim ose realizim vizual sipas temës së dhënë;
• Vlerësohen: kreativiteti, perceptimi vizual dhe aftësia për të zhvilluar ide përmes formës vizuale.

Dita II – Detyrë konceptuale

• Zhvillim i një ideje artistike (skicë, shkrim i shkurtër ose prezantim vizual);
• Vlerësohen: mendimi konceptual, aftësia për të artikuluar ide dhe qasja kritike.

Intervistë / Ese

• Intervistë ose ese motivuese;
• Vlerësohen: aftësia për të artikuluar ide dhe interesi për praktika bashkëkohore.