Specializimi në Dizajn Grafik dhe Multimedia (MA) përqendrohet në komunikimin vizual të avancuar dhe zgjidhjet multimediale, duke integruar dizajnin me mjetet dhe platformat digjitale. Përmes projekteve studio, mentorimit dhe komponentëve të teknologjive bashkëkohore (p.sh. AR/VR, animacion, dizajn interaktiv), studenti zhvillon kompetenca për të konceptuar, ndërtuar dhe prezantuar projekte komplekse në standard profesional.

Programi mbyllet me projekt final me ekspozitë/prezantim dhe tezë që e mbështet në aspekt teorik punën krijuese.

Të avancojë kompetencat në komunikimin vizual dhe dizajnin multimedial bashkëkohor.

Pas përfundimit të specializimit në Dizajn Grafik dhe Multimedia (MA), studenti është në gjendje të:

1. Zhvillojë projekte komplekse të komunikimit vizual të bazuara në kërkim dhe analizë.
2. Analizojë në mënyrë kritike probleme komplekse të komunikimit vizual dhe multimedial.
3. Sintetizojë media digjitale, interaktive dhe multimediale në zgjidhje koherente dizajni.
4. Vlerësojë efektivitetin estetik, funksional dhe strategjik të projekteve të dizajnit.
5. Krijojë sisteme vizuale dhe identitete grafike të nivelit profesional.
6. Artikulojë procesin e dizajnit dhe vendimmarrjen konceptuale në nivel master.
7. Prezantojë dhe justifikojë projektin final në kontekst profesional dhe akademik.

Metodologjia e mësimdhënies bazohet në zhvillimin e projekteve komplekse në dizajn grafik dhe multimedia, duke integruar konceptin, teknologjinë dhe komunikimin vizual. Programi përfshin punë në studio, projekte praktike, bashkëpunime ndërdisiplinore dhe analizë kritike të zgjidhjeve kreative në kontekst profesional dhe bashkëkohor.

Vlerësimi përfshin procesin, projektet e dizajnit, prezantimet dhe projektin përfundimtar.

• Dizajnues/e grafik/e (branding, identitet vizual, sisteme komunikimi)
• Dizajnues/e multimedia dhe interaktiv (platforma digjitale, përmbajtje vizuale)
• Specialist/e në dizajn për projekte ndërdisiplinore (art, kulturë, teknologji)
• Dizajnues/e ekspozitash dhe komunikimi për institucione kulturore
• Menaxher/e projektesh kreative (me bazë në menaxhim projektesh artistike)
• Kurator/e / koordinator/e programesh ekspozuese dhe komunikimi publik
• Kritik/e / analist/e i komunikimit vizual (me bazë në teori dhe reflektim kritik)