▶ Misioni i Programit

Misioni i Programit Master në Arte Vizuale është promovimi i ekselencës në krijimtarinë dhe kërkimin artistik, përmes një kurrikule ndërdisiplinore që integron teorinë, praktikën dhe inovacionin.

Programi synon të zhvillojë kompetenca të avancuara krijuese, analitike dhe profesionale, duke përgatitur studentët për të adresuar sfida komplekse intelektuale dhe profesionale në fushën e arteve vizuale dhe industrive kreative më të gjera.

▶ Vizioni i Programit

Programi synon të konsolidohet si një platformë e avancuar akademike dhe kërkimore në fushën e arteve vizuale, që mbështet zhvillimin e praktikave autoriale dhe kërkimore të nivelit të lartë, në dialog me tendencat bashkëkohore ndërkombëtare. Ai promovon qasje kritike, eksperimentim dhe inovacion, duke kontribuar në zhvillimin e diskursit artistik dhe kulturor në kontekst të zgjeruar.

▶ Filozofia, Struktura dhe Koherenca e Programit Artet Vizuale (MA)

Filozofia e Programit Master në Arte Vizuale bazohet në mësimin e avancuar të orientuar drejt praktikës, kërkimit dhe inovacionit, duke trajtuar artin si proces kritik, reflektues dhe transformues.

Struktura e programit është ndërtuar rreth një ngarkese akademike prej 60 ECTS, duke kombinuar:

• Praktikën intensive në studio,
• Eksplorimin teorik të avancuar,
• Kërkimin artistik dhe projektet individuale.

Koherenca e programit sigurohet përmes lidhjes së drejtpërdrejtë ndërmjet rezultateve të të nxënit, metodologjisë së mësimdhënies dhe objektivave strategjike të institucionit, në përputhje me ESG 1.1 dhe kërkesat e arsimit të lartë në nivel master.