Kemi nderin dhe kënaqësinë e veçantë t’ju njoftojmë për një arritje të jashtëzakonshme në skenën ndërkombëtare të profesoreshës sonë të nderuar prof. Lule Elezi. Ajo është zgjedhur anëtare e rregullt e Shoqatës Ndërkombëtare "Frédéric Chopin" në Varshavë të Polonisë, duke u bërë kështu artistja e parë shqiptare që merr këtë titull prestigjioz.

Ky emërim i lartë vjen si rezultat i punës së saj të palodhshme dhe sukseseve të njëpasnjëshme në skenat polake. Viteve të fundit, profesoresha ka realizuar një sërë koncertesh solistike të jashtëzakonshme me veprat e kompozitorit gjenial Frédéric Chopin, të organizuara nga kjo shoqatë në qytete të ndryshme të Polonisë.

Ky sukses nuk është vetëm një arritje personale e saj, por një krenari e madhe për institucionin tonë dhe për mbarë kulturën shqiptare.

I urojmë profesoreshës suksese të mëtejshme në rrugëtimin e saj artistik dhe akademik!

Me respekt,

Dekanati i Fakultetit